اسلام آباد:وفاقی وزیر برائے ماحولیاتی تبدیلی سینیٹر شیری رحمان نے کہا ہے کہ عمران خان پارلیمان کو اقتدار کی سیڑھی سمجھتے ہیں، عوامی طاقت کا محور نہیں ہےجس قومی اسمبلی سے عمران خان استعفیٰ دے کر گئے ہیں اس کی 7 نشستوں پر ضمنی انتخابات لڑنے جا رہے ہیں۔
شیری رحمان نے اتوار کے روز ٹوئٹر پر لکھا کہ کہ7 نشستوں پر خود انتخابات لڑ کے یہ اپنے پارٹی رہنمائوں اور ووٹرز کی تذلیل کر رہے ہیں جس عوامی مینڈیٹ کا یہ دعوی ٰ کرتے ہیں سات نشستوں پر الیکشن لڑ کر یہ اسی مینڈیٹ کی توہین کر رہے۔
جس قومی اسیمبلی سے عمران خان استعفی دے کر گئے ہیں کل اس کی 7 نشتوں پر ضمنی انتخابات لڑنے جا رہے۔ 7 نشتوں پر خود انتخابات لڑ کے یہ اپنے پارٹی رہنمائوں اور ووٹرز کی تذلیل کر رہے۔ جس عوامی مینڈیٹ کا یہ دعوہ کر کرتے ہیں سات نشتوں پر الیکشن لڑ کر یہ اسی مینڈیٹ کی توہین کر رہے۔ 1/3
— SenatorSherryRehman (@sherryrehman) October 16, 2022
یہ پارلیمنٹ صرف اسی صورت میں آنا چاہتے ہیں جب ان کو کرسی کی امید دلائی جائے۔ لوگوں سے گزارش ہے کہ عمران خان کو ووٹ دے کر ووٹ ضائع نا کریں۔ ووٹ ایک آئینی حق اور ذمہ داری ہے، اس کو سوچ سمجھ کے اپنے اور اپنے حلقے کی بھلائی کیلئے استعمال کریں۔ 3/3
— SenatorSherryRehman (@sherryrehman) October 16, 2022
شیری رحمان نے کہا کہ لوگوں کو ووٹ صرف اسی امیدوار کو دینا چاہئے جو ان کی پارلیمان میں نمائندگی کر سکے اور ان کی آواز بن سکے۔ عمران خان پہلے ہی اپنے حلقے کی نمائندگی سے بھاگ گئے ہیں، یہ پارلیمان کو صرف اقتدار کی سیڑھی سمجھتے ہیں، عوامی طاقت اور نمائندگی کا محور نہیں۔
ان کا کہنا تھا کہ یہ پارلیمنٹ صرف اسی صورت میں آنا چاہتے ہیں جب ان کو کرسی کی امید دلائی جائے۔ لوگوں سے گزارش ہے کہ عمران خان کو ووٹ دے کر ووٹ ضائع نہ کریں۔ ووٹ ایک آئینی حق اور ذمہ داری ہے، اس کو سوچ سمجھ کے اپنے اور اپنے حلقے کی بھلائی کیلئے استعمال کریں۔
