پاکستانی کسٹم کی انٹیلی جنس اور انویسٹی گیشن ٹیم نے لاہور کے ایک نجی سکول میں بنائے گئے گودام پر چھاپہ مار کر 856 ملین روپے کا سمگل شدہ مال قبضے میں لے لیا۔
کسٹم کے حکام نے بتایا کہ مستند مخبری کی رپورٹ پر رائیونڈ روڈ پر واقع ‘Think Grow’ سکول پر منگل کے روز جب چھاپہ مارا گیا تو سکول سے سمگل شدہ کپڑے، جوتے، پرفیوم، اوزار، فرنیچر، کھلونے اور بجلی کا سامان برآمد ہوا۔ حکام کے مطابق کسٹم کی تاریخ میں یہ علاقہ لاہور میں چیزوں کی مالیت کے حساب سے اب تک کی سب سے بڑی کارروائی ہے۔
