اسلام آباد:وفاقی وزیر اطلاعات مریم اورنگزیب نے واضح کیا ہے کہ تسنیم حیدر کا مسلم لیگ ن سے کوئی تعلق نہیں، تسنیم حیدر کے پاس ثبوت ہیں تو جے آئی ٹی کے قانونی فورم پر پیش کریں،جعلسازی، جھوٹ اور فیک نیوز سے ارشد شریف کے اصل قاتلوں سے توجہ ہٹائی نہیں جاسکتی۔
وفاقی وزیر اطلاعات مریم اورنگزیب نے کہا کہ تسنیم حیدر نامی شخص پاکستان مسلم لیگ ن لندن کا ترجمان نہیں، تسنیم حیدر کا مسلم لیگ ن سے کوئی تعلق نہیں، تسنیم حیدر کے پاس ثبوت ہیں تو جے آئی ٹی کے قانونی فورم پر پیش کریں، کوئی شخص زبردستی پارٹی ترجمان بننے کی کوشش نہ کرے۔
ان کا کہنا تھا کہ تصویر میں نظر آنے والا شخص پی ٹی آئی لندن کا آرگنائزر ہے، نجی ٹی وی کو چیلنج ہے کہ یہ خبر برطانیہ میں آن ائیر کرے، برطانیہ میں جھوٹی خبر اس ڈر سے نشر نہیں کرتے کیونکہ پہلے بھی جھوٹ پر جرمانے بھر چکے ہیں۔
انہوں نے کہا کہ جعلسازی، جھوٹ اور فیک نیوز سے ارشد شریف کے اصل قاتلوں سے توجہ ہٹائی نہیں جاسکتی۔
