نائیجیریا میں مہلک لاسا بخار وباء کی وجہ سے اموات کی تعداد 178 تک پہنچ گئی ہے۔
نائیجیریا بیماریوں کے کنٹرول مرکز NCDC کے جاری کردہ بیان کے مطابق ملک میں یکم جنوری سے 20 نومبر کے درمیان 8 ہزار سے زائد افراد کا لاسا ٹیسٹ کیا گیا جن میں سے 989 کے نتائج مثبت نکلے ہیں۔
بیان کے مطابق اس عرصے میں وباء کی وجہ سے 178 اموات واقع ہوئی ہیں اور ملک کے 26 صوبوں سے منسلک 107 علاقوں میں لاسا کیس ریکارڈ کئے گئے ہیں۔ جن صوبوں میں سب سے زیادہ کیس ریکارڈ ہوئے ہیں ان میں اونڈو، ایڈو اور باوچی سرفہرست ہیں۔
نائیجیریا بیماریوں کے کنٹرول مرکز نے یکم جنوری سے 4 اکتوبر تک لاسا بخار کی وجہ سے ملک میں 172 اموات کا اعلان کیا تھا۔
