لاہور: تحریکِ انصاف کے مرکزی رہنما فواد چوہدری نے کہا ہے کہ ہم نے حکمرانوں کی کراچی سے اسلام آباد تک دوڑیں لگوا دی ہیں۔
فواد چوہدری نے کہا کہ پی ڈی ایم جوتوں کے بغیر الیکشن سے بھاگ رہی ہے۔شکست دیکھتے ہوئے وفاقی حکومت یونین کونسلز کی تعداد میں رد و بدل کا پروگرام بنا رہی ہے، یونین کونسلز کی تعداد میں رد و بدل کے پروگرام کا مقصد صرف الیکشن روکنا ہے۔
انہوں نے وفاقی حکومت کی جانب سے لاہور ہائیکورٹ میں توشہ خانہ سے متعلق تفصیلات پیش کرنے سے انکار کے حوالے سے کہا کہ حیرت کی بات ہے کہ جس حکومت کا اپنی اپوزیشن کے خلاف سارا مقدمہ ہی توشہ خانے کے تحائف ہر ہے وہ توشہ خانہ کی تفصیلات دینے سے کیوں بھاگ رہی ہے؟
