اسلام آباد: تحریک انصاف ( پی ٹی آئی ) کے مرکزی سینئر نائب صد ر فواد چوہدری نے کہا ہے کہ ہم اپوزیشن کی تحریک عدم اعتماد کا مقابلہ کریں گے،پارلیما نی پارٹی پرویز الہٰی پر اعتماد کا اظہار کر ے گی، تمام ارکان کی مکمل حاضری کے بعد عدم اعتماد کو ناکام بنایا جائے گا۔
فواد چوہدری نے کہاکہ تحریک عدم اعتماد کی ناکامی کے بعد اسمبلی فوری تحلیل کر دی جائے گی،حکومت نے الیکشن سے فرار کا رویہ اختیار کیا ہوا ہے، وفاقی حکومت کے پاس تیل خریدنے کے پیسے نہیں ہیں۔
انہوں نے کہاکہ آپریشن رجیم چینج نے پاکستان اور افغانستان کے تعلقات کا نیا دور شروع ہی نہیں ہونے دیا، طالبان کی حکومت پاکستان کے ساتھ تعاون کر بھی رہی تھی اور دنیا سے تعلقات کیلئے پاکستان کے کردار کی خواہاں بھی تھی۔
