کراچی: حکومت نے سندھ کے دیگر اضلاع سے پولیس اہلکاروں کی کراچی اور حیدرآباد روانگی روک دی گئی جس کے بعد دونوں بڑے شہروں میں بلدیاتی الیکشن سے متعلق بے یقینی بڑھ گئی ہے۔
اس حوالے سے بتایا گیا کہ انتخابی عملہ، پولیس افسران اور ضلع انتظامیہ پریشانی سے دوچار ہیں جبکہ کراچی اور حیدرآباد سکیورٹی کے لیے 63 ہزار اہلکار درکار ہیں۔
ذرائع کے مطابق میرپورخاص، سکھر ، لاڑکانہ اور شہید بینظیر آباد سے پولیس اہلکار بلائےگئے ہیں۔ علاوہ ازیں کل صبح 11 بجے کابینہ اجلاس کے بعد پولیس اہلکاروں کی روانگی کے متعلق فیصلہ ہوگا۔
