پاکستان کی پہلی خاتون ریپر ایوا بی رشتہ ازدواج میں منسلک ہو گئی ہیں ۔
کنا یاری سے مشہور ہونے والی بلوچی ریپر ایوا بی نے اپنے مایوں اور نکاح کی تصاویر مداحوں کے ساتھ انسٹاگرام پر شئیرکر دی ہیں ۔
کیپشن میں اللّٰہ پاک کا شکر ادا کیا اور لکھا کہ الحمداللّٰہ ، میں اس وقت کے جذبات بیان نہیں کرسکتی ۔
پھراپنے شوہر مدثر قریشی کو ٹیگ کرتے ہوئے لکھا کہ شکریہ مجھے قبول کرنے کیلئے ۔
اس کے علاوہ انہوں نے مہندی سے بھرے ہاتھوں کی بھی ایک تصویر شئیر کی ۔
کیپشن میں شوہر مدثر قریشی کو ٹیگ کرتے ہوئے لکھا کہ بلآخر الحمدللہ ۔
ایوا بی کا برائڈل میک اپ مشہورآرٹسٹ وقار حسین نے کیا ہے ، وقار نے دلہن کے خوبصورت لک کی کئی تصویریں اور ویڈیوزبھی پوسٹ کیں ہیں ۔
وقار حسین کیپشن میں لکھتے ہیں پہلی نظر ۔
ویڈیو میں ایوا بی بھاری سنہری اور سبز کڑھائی والے سرخ رنگ کے بلوچی ڈیزائین کے عروسی جوڑے میں ملبوس ہیں ۔ انہوں نے دو سنہری چوڑیوں اور ایک سیاہ گھڑی کے ساتھ اپنے عروسی انداز کو مکمل کیا ۔
شوہر وقار کی جانب سے ایوا بی کے ہاتھوں کی تصویر بھی شئیر کی گئی ہے جس میں ان کے ہاتھ بلوچیوں کی روایتی مہندی میں رنگے دکھائی دیے گئے ۔
اس سے قبل بھی ایوا بی کی جانب سے منگنی کی تصاویر اور ویڈیوز بھی شئیر کی گئی تھیں ۔
