کراچی: پشاور میں مسجد کے اندر خودکش دھماکے اور متعدد شہادتوں پر شوبز ستاروں نے بھی افسوس کا اظہار کیا ہے۔
پاکستانی اداکار عدنان صدیقی نے ٹویٹر پر لکھا کہ پشاور دھماکے میں زخمی ہونے والوں کیلئے دعاگو ہوں، ایک عبادت گاہ میں حملہ ناقابل بیان جرم ہے۔
Praying for those injured in the blast in #Peshawar. Unspeakable crime attacking a place of worship. Spare the innocent for Allah’s sake. They were just offering namaz peacefully. T*rrorists have no conscience, no religion.
— Adnan Siddiqui (@adnanactor) January 30, 2023
انہوں نے دہشت گردوں کو مخاطب کرکے لکھا ’خدا کے واسطے معصوم لوگوں کو بخش دو، وہ امن کے ساتھ نماز ادا کررہے تھے، دہشت گردوں کا نہ کوئی ضمیر ہے اور نہ ہی مذہب‘۔
فیصل قریشی نے پوسٹ لکھی کہ اللہ سب کو اپنی امان میں رکھے اور جو ظلم کرتے ہیں بیشک ان کیلئے سخت سزا ہے۔
احمد علی بٹ نے جہاں بم دھماکے پر افسوس کا اظہار کیا وہیں انہوں نے اپنے مداحوں کو خبردار کردیا کہ ہم پرانے خوفناک پاکستان میں آگئے ہیں۔
صبا قمر نے بھی انسانی جانوں کے ضیاع پر رنج اور افسوس ظاہر کرتے ہوئے پسماندگان کے ساتھ تعزیت کی ہے۔
Peshawar
My prayers and condolences to the victims families— Saba Qamar (@s_qamarzaman) January 30, 2023
ارسلان نصیر نے ایک زخمی دل کے ایموجی اور پشاور دھماکے کے ہیش ٹیگ کے ساتھ اپنی تشویش ظاہر کی۔
— Arslan Naseer (@ArslanNaseerCBA) January 30, 2023
