پی ڈی ایم کی اتحادی حکومت کی جانب سے کی جانے والی حالیہ نیب ترامیم سے فائدہ اٹھانے والوں کی تفصیلات سپریم کورٹ میں پیش کردی گئیں۔
عدالت عظمیٰ میں پیش کی گئی رپورٹ کے مطابق حالیہ نیب ترامیم سے فائدہ اٹھانے والوں میں وزیراعظم شہباز شریف بھی شامل ہیں جب کہ ان کے علاوہ سابق صدر آصف زرداری اور سابق وزیراعظم نوازشریف بھی نیب ترامیم سے فائدہ اٹھانے والوں میں شامل ہیں۔
رپورٹ کے مطابق فرزانہ راجا، یوسف رضا گیلانی، اسپیکر پنجاب اسمبلی سبطین خان، آصف زرداری کے قریبی ساتھی انور مجید اور ان کے بیٹے بھی فائدہ اٹھانے والوں میں شامل ہیں۔
علاوہ ازیں سابق وزیراعظم شوکت عزیز، ظفر گوندل، صادق عمرانی، نواب اسلم رئیسانی، لشکری رئیسانی، اسفند یار کاکڑ، ارباب عالمگیر، عاصمہ ارباب عالمگیر، شیر اعظم وزیر بھی نیب ترامیم سے فائدہ اٹھانے والوں میں شامل ہیں۔
