کابل : افغانستان کے نائب وزیر اعظم برائے اقتصادیات ملاعبدالغنی برادراخوند نے پاکستانی وفد سے ملاقات میں ہا ہے کہ پاکستان اپنی جیلوں میں قید افغان شہریوں کو رہا کرے۔
تفصلات کہ مطابق خواجہ آصف نے افغانستان کے نائب وزیر اعظم برائے اقتصادیات ملا عبدالغنی برادراخوند سے ملاقات کی ، ملاقات میں تجارت، علاقائی روابط اور اقتصادی تعاون کے فروغ پر بات کی گئی۔ ملاقات میں افغانستان کے نائب وزیر اعظم برائے اقتصادیات ملا عبدالغنی نے کہا کہ افغانستان اور پاکستان دو پڑوسی ممالک ہیں، دونوں ممالک کو ایک دوسرے کے ساتھ اچھے تعلقات رکھنے چاہئیں ، پاکستان کے ساتھ تجارتی اور اقتصادی تعلقات کا فروغ چاہتے ہیں۔
ملا عبدالغنی نے کہا کہ تعلقات کو دونوں ممالک کے لیے فائدہ مند سمجھتے ہیں ،کاروباری اور معاشی مسائل کو سیاسی اور سکیورٹی سے الگ نہ کیا جائے، پاکستان اپنی جیلوں میں قید افغان شہریوں کو رہا کرے۔ طورخم اور اسپن بولدک میں مسافروں کو ضروری سہولیات فراہم کی جائیں، پاکستان ایمرجنسی مریضوں کی آمدورفت کے لیے خصوصی سہولت فراہم کرے ۔
