پولش وزیر دفاع ماریس بلاسزاک نے کہا ہے کہ ان کا ملک جنوبی کوریا سے خریدے گئے کے ٹو بلیک پینتھر ٹینکوں کوملک میں تیار کرے گا جس سے روزگار بھِی بڑھے گا۔
پوزنان میں واقع فوجی موٹر ساز کارخانے کے دورے کے دوران بلاسزاک نے بتایا کہ بلیک پینتھر کے ٹو ٹینکوں کی مرمت اور دیکھ بھال یہاں کی جائے گی ،جس کے لیے ایک کارخانہ قائم ہوگا جس سے روزگار کے مزید مواقع پیدا ہونگے۔
وزیر دفاع نے بتایا کہ ان ٹینکوں میں سے 180 جنوبی کوریا سے پہلے مرحلے میں ہمیں ملیں گے بعد کے ٹینک پوزنان میں قائم کارخانے میں تیار ہونگے۔
بلاسزاک نے بتایا کہ پوزنان میں عسکری موٹر ساز کارخانہ 1945 میں قائم ہوا تھا جو کہ جدید ٹیکنولوجی سے آراستہ بھی ہے جہاں جرمن ساختہ لیوپرڈ ٹو ٹینک بھی تیار ہوتے ہیں۔/
واضح رہے کہ پولینڈ روس کے یوکرین پر قبضے کے بعد جنوبی کوریا سے 1000 کے ٹو ٹینک خریدنے کا ارادہ رکھتا ہے۔
