ممبئی: بھارتی اداکارہ انوشکا شرما نے انکشاف کیا ہے کہ کترینہ کیف اور وکی کوشل نے ویرات اور ان کی ڈنر کی دعوت کی تھی۔
کترینہ اور کوشل شادی کے بعد نئے گھر میں منتقل ہوئے ہیں اور وہ ویرات اور انوشکا کے پڑوسی ہیں۔
انوشکا شرما اور کترینہ کیف آپس میں سہیلیاں ہیں اور فلم ’جب تک ہے جان‘ اور ’زیرو‘ میں ایک ساتھ کام کرچکی ہیں۔
اداکارہ نے بتایا میں اور ویرات جلد ڈنر کرکے سوجانے کے عادی ہیں اسی لئے ہم نے کترینہ سے درخواست کی کہ وہ شام چھ بجے ہمارے لئے ڈنر لگادے۔
انوشکا شرما اپنی نئی اسپورٹس فلم ’چکدے ایکسپریس‘ کی ریلیز کا انتظار کررہی ہیں جو نیٹ فلکس کی زینت بنے گی۔
کترینہ کیف ’ٹائیگر 3 ‘ میں سلمان خان کے ساتھ نظر آئیں گی جبکہ وہ وجے سیتھو پتھی کے ساتھ ’میری کرسمس‘ میں بھی اداکاری کے جلوے دکھائیں گی۔
