راولپنڈی:عوامی مسلم لیگ کے سربراہ اور سابق وزیر داخلہ شیخ رشید احمد نے کہا کہ الیکشن کمیشن کے فیصلے نے آئینی بحران پیداکردیاہے۔
آئین واضح ہے90دن کے اندرالیکشن ہو ں گے ،سپریم کورٹ کاامتحان ہے کہ وہ بہروپیوں کی غیرآئینی غیرقانونی حکومت کوچلنے دیتی ہے یاان پرآرٹیکل6لگاتی ہے ،چیف جسٹس کہہ چکے ہیں شفاف انتخابات میں بدنیتی ہوئی تومداخلت کریں گے۔نگران حکومت کی اب کوئی حیثیت نہیں۔ان خیالات اظہار شیخ رشید احمد نے جمعرات کے روز ٹوئٹر پر جاری اپنے بیان میں کیا۔
پاکستان میں کٹھ پتلی تماشہ لگا ہوا ہے۔ ملک منجدھار میں پھنس گیا ہے۔13کا ٹولہ تباہی اوربربادی کی علامت بن گیا ہےIMFاور دوست ممالک سب کی طرف سے جھنڈی ہےIMFکی3میٹنگز ناکام ہو گئی ہیں۔پیٹرول کی سبسڈی کا ڈرامہ بھی واپس لے لیا گیاہے۔اشرافیہ موج کرے گی اورغریب ایڑیاں رگڑ رگڑ کر مرجائےگا
— Sheikh Rashid Ahmed (@ShkhRasheed) March 23, 2023
شیخ رشید نے کہا کہ پاکستان میں کٹھ پتلی تماشا لگا ہوا ہے، ملک منجدھار میں پھنس گیا۔13کا ٹولہ تباہی اوربربادی کی علامت بن گیا ہے آئی ایم ایف اور دوست ممالک سب کی طرف سے جھنڈی ہے۔آئی ایم ایف کی3میٹنگز ناکام ہو گئی ہیں۔پٹرول کی سبسڈی کا ڈرامہ بھی واپس لے لیا گیاہے۔اشرافیہ موج کرے گی اورغریب ایڑیاں رگڑ رگڑ کر مرجائیگا۔
