اسلام آباد:وزیر خارجہ بلاول بھٹو زرداری نے کہا ہے کہ پاکستان روس اور یوکرین دونوں کے ساتھ اپنے تعلقات کو اہمیت دیتا ہے،پاکستان امن کی حمایت کرتا ہے اور مسئلے کا سفارتی حل چاہتا ہے۔
وزیرخارجہ یوکرین کیلئے پاکستان کے نامزد سفیر میجر جنرل (ر)نادر خان سے گفتگو کررہے تھے جنھوں نے بدھ کو یہاں ان سے ملاقات کی۔
دفتر خارجہ کے مطابق وزیر خارجہ نے نئی ذمہ داریوں پر میجر جنرل (ر) نادر خان کیلئے نیک خواہشات کا اظہار کیا۔
بلاول بھٹو زرداری نے اس موقع پر گفتگو کرتے ہوئے کہا کہ پاکستان روس اور یوکرین دونوں کے ساتھ اپنے تعلقات کو اہمیت دیتا ہے۔
