جوہانسبرگ:جنوبی افریقا نے تیسرے اور آخری ون ڈے انٹرنیشنل میں نیدرلینڈز کو 146رنز سے شکست دے کر سیریز 0-2سے اپنے نام کر لی۔
جوہانسبرگ میں کھیلے گئے میچ میں میزبان ٹیم نے پہلے بیٹنگ کرتے ہوئے مقررہ 50اوورز میں 8وکٹوں کے نقصان پر 370رنز بنائے، ایڈن مارکرم نے شاندار بیٹنگ کا مظاہرہ کیا اور 126گیندوں پر 175رنز کی اننگ کھیلی جبکہ ڈیوڈ ملر 91رنز کے ساتھ دوسرے نمایاں بیٹر رہے۔
Markram, Miller, Magala blow Netherlands away to massively boost South Africa’s chances of direct ODI World Cup qualification #SAvNED
👉 https://t.co/LttxKpUOKF pic.twitter.com/3jOVviIa2P
— ESPNcricinfo (@ESPNcricinfo) April 2, 2023
مہمان ٹیم کی طرف سے فریڈ کلازین، ویون کنگما اور پال وان میکرن نے دو، دو کھلاڑیوں کو پویلین کی راہ دکھائی،جواب میں نیدرلینڈز کی ٹیم مطلوبہ ہدف حاصل کرنے میں ناکام رہی اور پوری ٹیم 39.1اوورز میں 224رنز بنا کر آئوٹ ہو گئی۔
موسی احمد 61رنز کے ساتھ ٹاپ سکورر رہے،جنوبی افریقا کی جانب سے سسنڈا مگالا نے عمدہ بالنگ کا مظاہرہ کیا اور 5وکٹیں حاصل کیں جبکہ ایڈن مارکرم بہترین بیٹنگ پر پلیئر آف دی میچ قرار پائے۔
