دمشق: اسرائیلی بمباری کے نتیجے میں کم سے کم دو شہری مارے گئے۔
شام کے سرکاری میڈیا نے بتایاکہ فضائی دفاع نے دارالحکومت دمشق کے قریب اسرائیلی میزائل حملے کا بھرپور جواب دیا۔
بیان کے مطابق شام کے فضائی دفاع نے اسرائیلی دشمن کے میزائلوں کو روکا اور ان میں سے متعدد کو مار گرایا۔تاہم شامی اخبار کی ویب سائٹ کی رپورٹ کے مطابق اسرائیلی میزائلوں نے دارالحکومت کے جنوب مشرق اور دمشق کے بین الاقوامی ہوائی اڈے کو نشانہ بنایا۔
