ممبئی: بالی وڈ کی نامور ٹی وی میزبان منی ماتھر نے انڈین آئیڈل چھوڑنے کی خبروں کے حوالے سے اپنا جوابی ردعمل دیا ہے۔
منی ماتھر نے معروف ٹی وی شو ’انڈین آئیڈل‘ کے پہلے سیزن سے لے کر چھٹے سیزن تک کی میزبانی کی تھی اور پھر انہوں نے پروگرام کو خیرباد کہہ دیا تھا۔
ایک تازہ پوڈ کاسٹ میں فنکارہ نے پروگرام چھوڑنے کے حوالے مختلف باتیں کی تھیں جس کی میڈیا میں گونچ سنائی دے رہی ہے۔
Dear Publications.. who have written “explosive” headlines and articles about me “breaking my silence” about #IndianIdol … please know that you are lazy uninformed. That you haven’t bothered to listen to the podcast yourself nor understood the context tone of the discussion.
— Mini Mathur (@minimathur) April 9, 2023
اب منی ماتھر نے ایک ٹویٹ کے ذریعے ان تمام باتوں کی تردید کی ہے اور کہا ہے کہ میرے انٹرویو کو مختلف نیوز ادارے غلط رخ دے رہے ہیں۔
انہوں نے ٹویٹ میں اشاعتی اداروں کو مخاطب کرکے لکھا کہ آپ نے انڈین آئیڈل کے حوالے سے میری الفاظ کو دھماکہ خیز سرخیوں کے ساتھ پیش کیا حالاں کہ آپ سست اور جاہل تھے۔
منی ماتھر نے مزید لکھا ’’ آپ نے میری پوڈ کاسٹ سننے کی زحمت بھی نہیں کی اور نہ ہی گفتگو کے پس منظر اور لہجے کو سمجھنے کی کوشش کی‘‘۔
