ممبئی: بالی وڈ کے معروف فلمساز آنجہانی یش چوپڑا کی اہلیہ پلے بیک سنگر اور مصنفہ پامیلا چوپڑا 74 برس کی عمر میں انتقال کرگئیں۔
پامیلا چوپڑا شدید قسم کے نمونیہ کی وجہ سے دو ہفتے سے ہسپتال میں داخل تھیں اور جمعرات کی صبح وہ جان کی بازی ہار گئیں۔
وہ بالی انڈسٹری میں اپنے صلاحیتوں کی وجہ سے انتہائی پسندیدہ تھیں اور ان کے انتقال کی خبر عام ہوتے ہی انڈسٹری میں غم کی لہر دوڑ گئی۔
My heart is heavy with the news of Pamela aunty’s passing. Her impact on the industry and the lives she touched will always be remembered. 🙏🏻
— Sanjay Dutt (@duttsanjay) April 20, 2023
متعدد شوبز اداکاروں اور فنکاروں سنجے دت، اجے دیوگن، انوپم کھیر، جاوید اختر اور دیگر نے ان کے انتقال پر دکھ اور افسوس کا اظہار کیا ہے۔
پامیلا چوپڑا کی آخری رسومات میں ادیتیا چوپڑا، ہریتھیک روشن اور ان کے والد راکیش روشن بھی موجود تھے۔
سلمان خان نے پامیلا کے انتقال پر ان کے احترام میں اپنے فلم ’کسی کا بھائی کسی کی جان‘ کی سیلیبرٹی اسکریننگ کو منسوخ کردیا۔
پامیلا چوپڑا کی ٹی وی پر آخری جھلک نیٹ فلکس کی سیریز ’دی رومانٹکس‘ میں نظر آئی تھی۔
