پاکستان تحریک انصاف کے چیئر مین اور سابق وزیراعظم عمران خان کی القادر ٹرسٹ کیس میں رہائی کے بعد سابقہ اہلیہ جمائما گولڈ سمتھ کا رد عمل آ گیا۔
میڈیا ذرائع کے مطابق ٹویٹ پر جمائما گولڈ اسمتھ نے لکھا کہ آخر کار عقل غالب آگئی۔
جمائما نے اپنے ٹوئٹر اکاؤنٹ سے سپریم کورٹ کی جانب سے عمران خان کی ڈرامائی گرفتاری کو غیرقانونی قرار دینے کے حکم سے متعلق برطانوی نشریاتی ادارے کی خبر کا اسکرین شاٹ بھی شیئر کیا۔
خیال رہے کہ سپریم کورٹ آف پاکستان نے اسلام آباد ہائیکورٹ کے احاطے سے القادر ٹرسٹ کیس میں سابق وزیراعظم عمران خان کی رہائی کو غیر قانونی قرار دیتے ہوئے انہیں رہا کرنے کا حکم دیدیا۔
سپریم کورٹ کے فیصلے کے بعد بی بی سی نیوز نے ٹویٹر پر لکھا کہ پاکستان کی سپریم کورٹ نے سابق وزیراعظم عمران خان کی گرفتاری کو غیر قانونی قرار دیدیا ہے۔
