لندن:قومی کرکٹ ٹیم کے فاسٹ بولر حسن علی نے 2021 کے ٹی ٹوئنٹی ورلڈکپ کے سیمی فائنل میں آسٹریلیا کے خلاف میتھیو ویڈ کا اہم کیچ گرانیکا یاد کرانے والی سوشل میڈیا صارف کو جواب دیا ہے۔
ان دنوں حسن علی انگلش کاونٹی لیگ کھیلنے میں مصروف ہیں، اسی سلسلے میں انہوں نے ایک ٹوئٹ کی جس میں کرکٹر نے مداحوں کی سپورٹ کا شکریہ ادا کیا، اس کے علاوہ انہوں نے اسٹیڈیم کے ماحول کی بھی تعریف کی۔
https://twitter.com/RealHa55an/status/1672360747576221701?s=20
حسن کی ٹوئٹ پر ردعمل دیتے ہوئے ایک سوشل میڈیا صارف نے لکھا ‘لیکن ہم اب تک آسٹریلیا کے خلاف اس چھوٹے گئے کیچ کو نہیں بھولے ہیں۔فاسٹ بولر نے صارف کی اس ٹوئٹ کا جواب دینا ضروری سمجھا،انہوں نے کہا ‘مجھے بھی وہ ڈراپ کیا گیا کیچ اب تک یاد ہے اور میں اپنی آخری سانس اور اس کے بعد بھی اس کیچ کو فراموش نہیں کرسکوں گا۔
https://twitter.com/RealHa55an/status/1669990529940037632?s=20
حسن علی نے اپنی ٹوئٹ میں ڈھیروں ‘رونے’ والے ایموجیز بھی بنائے۔ تاہم کرکٹ شائقین صارف کی اس ٹوئٹ پر بپھر گئے اور خاتون صارف کو کھری کھری سنادیں۔ مداحوں نے حسن علی کی چیمپئنز ٹرافی 2017 کی پرفارمنس کی یاد دلائی اور ساتھ ہی ان کی دیگر شاندار پرفارمنسز کا تذکرہ کیا اور تنقید کرنے والی سوشل میڈیا صارف کو آڑے ہاتھوں لیا۔
https://twitter.com/RealHa55an/status/1459556058544934921?s=20
