بھارتی غیر معیاری ادویات دنیا بھر میں بچوں کیلئے وبال جان بن گئیں، دو ہزار بائیس سے اب تک ازبکستان ، انڈونیشیا سمیت افریقی ممالک میں سیکڑوں بچے بھارتی ادویات سے جاں بحق ہو چکے ہیں ۔
میڈیا رپورٹ کے مطابق تحقیقات میں انکشاف ہوا ہے کہ بھارتی کمپنیوں نے دوائیوں کی تیاری میں مضر صحت اجزاء کا استعمال کیا ۔ بھارتی دوا ساز کمپنیوں نے بچوں کی اموات چھپانے کیلئے ساٹھ ہزار ڈالرز کی رشوت بھی دی ۔
امریکی ادارے ایف ڈی اے کے مطابق رواں سال فروری میں بھارت میں تیار کردہ آنکھوں کے قطرے امریکا میں آنکھوں کی وبا پھیلانے کا باعث بنے ۔ غیر معیاری اور مضر صحت ادویات کی وجہ سے بھارتی کمپنیوں کے آرڈر ختم ہوتے جا رہے ہیں ۔
غیر معیاری ادویات کے سبب بچوں کی ہلاکت پر بیشتر ممالک بھارت سے دیگر مصنوعات کی درآمد کرنے پر بھی نظر ثانی کر رہے ہیں ۔
