بیلاروس کے صدر الیگزینڈر لوکا شینکو نے کہا ہے کہ روس کی نجی سکیورٹی کمپنی ویگنر کے بیلاروس میں متعین کرائے کے فوجی مغربی ممالک کی طرف جانا چاہتے ہیں۔
لوکا شینکو نے سینٹ پیٹرز برگ میں روس کے صدر ولادی میر پوتن کے ساتھ ملاقات کی۔
مذاکرات میں انہوں نے کہا ہے کہ یوکرینی فوج کو بھاری جانی نقصان برداشت کرنا پڑ رہا ہے۔ امریکی اندازوں کے مطابق جوابی حملے شروع کرنے سے لے کر اب تک یوکرین کا جانی نقصان 26 ہزار فوجیوں تک پہنچ چکا ہے۔
لوکا شینکو نے بیلاروس میں متعین ویگنر جنگجووں کے بارے میں بھی بات کی ہے۔ انہوں نے کہا ہے کہ ویگنر جنگجووں نے ہمیں پریشان کرنا شروع کر دیا ہے۔ ویگنر مغرب کی طرف جانا چاہتے ہیں۔ یہ پولینڈ کے شہروں وارسا اور زیشوف جانے کے خواہش مند ہیں لیکن میں انہیں طے شدہ شکل میں بیلاروس کے مرکز میں رکھے ہوئے ہوں”۔
صدر پوتن نے بھی یوکرین کے عسکری جانی نقصان کے بارے میں کہا ہے کہ ” یوکرین کا عسکری جانی نقصان 26 ہزار سے زیادہ ہے۔ جوابی حملے ناکامی کے علاوہ اور کچھ نہیں ہیں”۔
