اسلام آباد:جمعیت علما اسلام (ف)کے سربراہ مولانا فضل الرحمن کا باجوڑ حملے میں جے یوآئی کے ورکر کنونشن کے دوران دھماکے پر شدید دکھ اور افسوس کا اظہار کیا ہے۔
مولانا فضل الرحمن کا وزیراعظم اور وزیراعلیٰ خیبر پختونخوا سے افسوس ناک واقعہ کی انکوائری کا مطالبہ کیا ہے، اللہ تعالی شہداء کے درجات بلند فرمائے۔
مولانا فضل الرحمن کا کہنا تھا کہ جے یوآئی کے کارکنان اسپتال پہنچ کر خون کے عطیات فراہم کریں، جے یوآئی کے کارکنان پر امن رہے، وفاقی و صوبائی حکومت زخمیوں کو بہترین علاج فراہم کرے۔
دوسری جانب وفاقی وزیر برائے مواصلات مولانا اسعد محمود نے کہا ہے باجوڑ میں جے یوآئی کے جلسے میں بم دھماکے پربیحددکھ اور افسوس ہوا،صوبائی حکومت سے مطالبہ ہے کہ زخمیوں کو ائیر ایمبولینس کے زریعے پشاور منتقل کیا جائے۔
