کراچی کے علاقے اتحاد ٹاؤن میں راہ چلتی خواتین کے ساتھ نازیبا حرکات کرنے والے شخص کو گرفتار کرلیا گیا۔
اتحاد ٹاون پولیس نے بلدیہ ٹاؤن قائم خانی کالونی پیربابا گراؤنڈ کے قریب کارروائی کرتے ہوئے راہ چلتی خواتین کے ساتھ نازیبا حرکات کرنے والے ملزم فیضان کو گرفتارکرلیا۔ ملزم کی ویڈیوسوشل میڈیا پر بھی وائرل ہوئی تھی۔
اتحاد ٹاؤن پولیس کے مطابق ملزم کو سی سی ٹی وی فوٹیج کی مدد سے گرفتارکیا گیا۔ گرفتار ملزم پرائیویٹ سیکورٹی گارڈ ہے اور صدام چوک اتحاد ٹاون کا رہائشی ہے۔ ملزم خاص طور خواتین اسکول ٹیچرز کو آتے جاتے ہوئے ہراساں کرتا تھا۔ گرفتارملزم کے قبضے سے ریوالور برآمد کر کے دفعات 354 و 23(1) کے تحت مقدمہ درج کر لیا گیا ہے۔
