اسلام آباد: ایوانِ صدر نے الیکشن کمیشن کے خط پر وزارت قانون و انصاف کی رائے مانگ لی۔
ایوانِ صدر نے الیکشن کمیشن کے موقف پر کہ الیکشن کی تاریخ دینے کا اختیار صرف الیکشن کمیشن کے پاس ہے، اس پر وزارت قانون و انصاف سے رائے مانگی ہے۔خط وزارت قانون و انصاف کے سیکرٹری کے نام لکھا گیا ہے۔
خیال رہے کہ صدر مملکت نے عام انتخابات کی تاریخ کے لیے الیکشن کمیشن کو خط کے ذریعے ملاقات کرنے کی دعوت دی تھی ، جس پر الیکشن کمیشن خط کا جواب دیتے ہوئے ڈاکٹر عارف علوی سے معذرت کرلی تھی۔
