لاہور: سیکرٹری جنرل جماعت اسلامی پاکستان امیر العظیم نے کہا ہے کہ تحفظ ختم نبوت ہر کلمہ گو کے ایمان کا لازمی جزو ہے، اس کے بغیر ایمان نامکمل ہے، مگر کلمے کی بنیاد پر بننے والی مملکت میں تحفظ ختم نبوت کی جدوجھد کرنا باعث شرمندگی ہے۔
امیر العظیم نے کہا کہ اسلام آباد کے ایوانوں میں اور فیصلہ ساز اداروں میں ایسے افراد کی اکثریت ہے جو کہ اس مملکت خدادا کو سیکولر ریاست بنانے کے لیے قانون سازی کرتے ہیں۔ عقیدہ ختم نبوت کا تحفظ اسی وقت ممکن ہو گا جب اسلام آباد کے ایوانوں میں اسلام کا راستہ کھولا جائے گا۔
انہوں نے کہا کہ معاشرے میں انارکی بڑھتی جا رہی ہے۔ ملک کا کوئی بھی شعبہ ایسا نہیں ہے جس کی سمت درست ہو۔ خواہ وہ مذہبی اور دینی معاملات ہوں یا معاشی و معاشرتی۔ ایسے میں علماء اکرام کی ذمہ داری بڑھ چکی۔
