کراچی:نگران وزیر داخلہ سندھ بریگیڈیئر (ر)حارث نواز نے کہا ہے کہ حکومت کو بدنام کرنے کے لئے افواہیں پھیلائی جا رہی ہیں۔
حارث نواز نے بیان میں کہا کہ سندھ میں کسی کے خلاف سیاسی زیادتی کی جا رہی ہے اور نہ ہی صوبے میں کسی سیاستدان کے خلاف کارروائی ہو رہی ہے۔
انہوں نے کہا کہ سندھ میں صرف نیب اور کریمنل کیسز چل رہے ہیں، سندھ میں کوئی سٹاپ لسٹ پر بھی نہیں اور سندھ میں کسی کے گھر سے کوئی رقم برآمد نہیں ہوئی۔
نگران صوبائی وزیر داخلہ نے کہا کہ سندھ میں کسی سیاستدان کے گھر چھاپہ نہیں مارا گیا، ممکن ہے حکومت کو بدنام کرنے کے لئے افواہیں پھیلائی جا رہی ہوں۔
