کراچی: کورنگی سو کوارٹر میں کمسن لڑکا زیر زمین پانی کے ٹینک میں گر کر جاں بحق ہوگیا۔
تفصیلات کے مطابق کورنگی سو کوارٹر بنگالی پاڑہ میں گھر میں زیر زمین پانی کے ٹینک میں ڈوب کر کمسن لڑکا جاں بحق ہوگیا جس کی لاش چھیپا کے رضا کاروں نے جناح اسپتال پہنچائی۔
ریسکیو حکام کے مطابق متوفی کی شناخت 4 سالہ وسیم کے نام سے کی گئی جبکہ واقعہ گھر میں کھیلتے ہوئے اتفاقیہ طور پر زیر زمین پانی کے ٹینک میں گرنے کے باعث پیش آنے کا بتایا جا رہا ہے ۔
