تل ابیب: اسرائیل نے غزہ کی پٹی میں زمینی حملے کو مؤخر کردیاہے۔
اسرائیلی آرمی ریڈیو نے پیر کے روز کہا کہ تل ابیب نے واشنگٹن کی غزہ کی پٹی میں زمینی حملے کو اس وقت تک موخر کرنے کی درخواست پر اتفاق کیا جب تک کہ اضافی امریکی افواج خطے میں نہ پہنچ جائیں ۔
ریڈیو نے مزید کہا کہ امریکہ نے اسرائیل کو مطلع کیا کہ وہ خطے میں اپنی افواج کے خلاف ایرانی حملے کے خوف سے زمینی مشق کی تیاری کے لیے مشرق وسطیٰ میں اضافی امریکی افواج بھیجنے کا ارادہ رکھتا ہے۔
امریکی اخبار نیویارک ٹائمز نے باخبر ذرائع کے حوالے سے بتایا ہے کہ امریکی وزیر دفاع لائیڈ آسٹن نے اسرائیل واشنگٹن کو غزہ کی پٹی میں زمینی کارروائی ملتوی کرنے کا مشورہ دیا۔
اسرائیلی آرمی ریڈیو نے وضاحت کی کہ واشنگٹن کا مشرق وسطیٰ میں فوجی کمک بھیجنا اسرائیل کے مفاد میں ہے کیونکہ اس سے مختلف میدانوں میں ہونے والے حملوں سے مشترکہ طور پر نمٹنے میں مدد ملے گی جو جنگ کے آنے والے مراحل میں بڑھ سکتے ہیں۔
