لاہور: ترجمان مسلم لیگ( ن) پنجاب عظمی بخاری نے کہا کہ یاسمین راشد میں ہمت ہے تو قوم کو بتائیں 9 مئی کو بغاوت کا پروگرام کیوں بنایا؟
ترجمان مسلم لیگ ن پنجاب نے یاسمین راشد کے بیان پر ردعمل میں کہا کہ ہمت ہے تو یہ بھی بتائیں پاکستان میں فتنہ فساد برپا کرنے، ملک کو سری لنکا بنانے کی سازش کیوں کی؟ ہمت کرکے اپنی آڈیوز جس میں آپ خواتین کے استعمال، عدلیہ کے ساتھ سازباز اور 9 مئی کی پلاننگ کا جواب دیں۔
عظمی بخاری نے کہا کہ جیل کی فرسٹریشن آپ کے کھوکھلے بیانات اور قد سے بڑی گفتگو سے صاف نظر آرہی ہے،آپ اپنی فکر فرمائیں، آپ الیکشن میں ہوں گی یا نہیں، یہ ابھی معلوم نہیں۔
