دوحا: قطر کے وزیر اعظم محمد بن عبدالرحمن بن جاسم نے عالمی رہنماؤں پر کڑی تنقید کرتے ہوئے غزہ کی صورتحال کی ذمے داری عالمی برادری پر ڈال دی۔
اپنے ایک بیان میں قطری وزیر اعظم نے کہا ہے کہ غزہ کی صورتحال کی ذمے دار عالمی برادری ہے۔ یوکرین میں پانی اور بجلی منقطع ہونے پر شور شرابا کرنے والے غزہ میں ہونے والے مظالم پر خاموش ہیں، یہی ان کا دہرا معیار ہے۔ایسے کبھی مسائل کا حل نہیں نکلتا۔
انہوں نے مزید کہا ہے کہ غزہ کے لوگوں تک بنیادی سہولیات کی فراہمی یقینی بنائی جائے، حماس کی جانب سے یرغمالیوں کی رہائی ایک اچھا عمل ہے، دونوں فریقوں کو مل بیٹھ کر مسئلے کا حل نکالنا چاہیے۔
