کراچی: الیکشن کمیشن نے نگراں حکومتوں سے کہا ہے کہ وہ بلاتفریق انتخابی مہم کے لیے تمام جماعتوں کو یکساں مواقع فراہم کریں۔
نجی ٹی وی کی رپورٹ کے مطابق الیکشن کمیشن کی جانب سے وزیراعظم اور چیف سیکرٹریز کو ایک ہنگامی مراسلہ بھیجا گیا ہے، جس میں بتایا گیا ہے کہ ایک سیاسی جماعت نے لیول پلیئنگ فیلڈ نہ ملنے کی شکایت کی ہے، جس کی وجہ سے وہ ووٹرز اور سپورٹرز کے ساتھ انتخابی مہم نہیں چلا پا رہی۔
مراسلے میں الیکشن کمیشن نے کہا ہے کہ نگراں حکومتیں آئین کےتحت پابند ہیں کہ کسی تفریق کےبغیر سب کو یکساں مواقع فراہم کریں۔
دوسری جانب الیکشن کمیشن کا خط چیف سیکرٹری کے ذریعے نگراں سندھ حکومت کو موصول ہوگیا۔
