پاکستان کرکٹ ٹیم کے سابق کپتان بابراعظم نے کہا ہے کہ دورہ آسٹریلیا کے دوران شان مسعود اپنی صلاحیتوں کا لوہا منوائیں۔
نجی ٹی وی کے مطابق نومنتخب کپتان شان مسعود کے لیے نیک خواہشات کا اظہار کرتے ہوئے بابراعظم نے کہا ہے کہ ان کے پاس دورۂ آسٹریلیا میں اپنے آپ کو منوانے کا بہترین موقع ہے۔ اچھی پرفارمنس دکھائیں اور اپنی صلاحیتوں کا لوہا منوائیں۔
قومی ٹیم کے بیٹر بابراعظم نے کیمپ میں شامل کیے گئے نئے کھلاڑیوں کی حوصلہ افزائی کرتے ہوئے کہا کہ وہ بھی دورہ آسٹریلیا کے دوران اپنی بہترین کارکردگی ثابت کریں۔
دریں اثنا پاکستان کے خلاف 4 روزہ ٹور میچ کے لیے آسٹریلیا پرائم منسٹر الیون کا اعلان کردیا گیا ہے، جو بدھ 6 دسمبر سے مانوکا اوول میں شروع ہوگا۔
