بائراکتر ٹی بی 3 نے کامیابی کے ساتھ اپنا 11 واں فلائٹ ٹیسٹ مکمل کیا۔
بائے کار بورڈ کے چیئرمین اور ٹیکنالوجی لیڈر سلجوک بائراکتر نے اپنے سوشل میڈیا اکاؤنٹ پر اپنی پوسٹ میں اعلان کیا کہ بائراکتر ٹی بی تھری ڈرون سسٹم پرفارمنس ٹیسٹ کے دائرہ کار میں 6 گھنٹے تک ہوا میں رہا اور اس نے اپنی 11ویں پرواز کامیابی سے مکمل کی۔
بائراکتر ٹی بی 3ڈرون دنیا کی پہلی مسلح بلا انسان گاڑی ہوگی جس میں ٹی سی جی انادولو جیسے مختصر رن وے والے جہازوں سے ٹیک آف اور لینڈ کرنے کی صلاحیت ہوگی ۔
سلجوک بائراکترنے کہا کہ انہوں نے 2024 میں ٹی سی جی انادولو جہاز پر بائراکتر ٹی بی تھری کے ٹیسٹ شروع کرنے کا منصوبہ بنایا ہے۔
بائراکتر ٹی بی تھری میں جو صلاحیتیں ہوں گی وہ اس کلاس میں بغیر پائلٹ کے فضائی گاڑیوں کے لیے ایک اہم اختراع ہوگی۔
ملکی ڈرونز میں بھی رابطے کی صلاحیت ہوگی، اس لیے اسے بہت طویل فاصلے سے کنٹرول کیا جا سکے گا لہذا موجود سمارٹ جنگی سازوسامان کے ساتھ بیرون ملک اہداف کے خلاف جاسوسی، نگرانی، انٹیلی جنس اور حملے کے مشن کو انجام دے کر ترکیہ کی جارحانہ طاقت پر کئی گنا اثر پڑے گا۔
