اسلام آباد: تحریک انصاف کے چیئرمین بیرسٹر گوہر نے ججز خط پر فل کورٹ بنانے کا مطالبہ کرتے ہوئے کہاہے کہ سپریم کورٹ کا فل کورٹ بیٹھے اور جلد فیصلہ کرے۔
بیرسٹر گوہر نے کہاکہ معاملے پر عدالتی کارروائی کو براہ راست نشرکیا جائے اور خط پر سپریم کورٹ کا فل کورٹ تشکیل دیا جائے، 8فروری کو بانی چیئرمین کو بدترین ریاستی انتقام کا نشانہ بنایا گیا۔
انہوں نے مزید کہاکہ پورا نظام زمین بوس ہوگیا ہے، 8 فروری کی رات کو نتائج اور تھے 9 کی صبح نتائج الگ تھے رات کے اندھیرے میں شب خون مارا گیا۔
