اسلام آباد کی ڈسٹرکٹ اینڈ سیشن عدالت نے تھانہ مارگلہ میں درج غیر قانونی ریلی نکالنے کے مقدمے میں بانی پی ٹی آئی اور سابق وفاقی وزیراسد عمر سمیت تمام ملزمان کو باعزت بری کر دیا گیا۔
ڈسٹرکٹ اینڈ سیشن عدالت کے جوڈیشل مجسٹریٹ مرید عباس نے تھانہ مارگلہ میں درج غیر قانونی ریلی نکالنے کے مقدمے کی سماعت کی۔
عدالت نے بانی پی ٹی آئی، سابق وفاقی وزیر اسد عمر ،علی نواز،راجہ خرم نواز و دیگر شریک ملزمان سمیت علی نواز اعوان کو باعزت بری کر دیا۔ملزمان کی جانب سے وکلا سردار مصروف خان اور آمنہ علی عدالت کے سامنے پیش ہوئے۔
دوران سماعت عدالت نے تھانہ مارگلہ کے مقدمے میں دونوں ملزمان کو بری کرنے کاحکم سنادیا۔
عدالت نے مقدمے میں شریک ملزم ایم این اے راجہ خرم نواز سمیت دیگر ملزمان کو بھی بری کرنے کا حکم سنادیا۔
