اسلام آباد:حکومت بلوچستان کے ترجمان شاہد رند نے کہا ہے کہ بلوچستان کابینہ عیدالفطر کے فوری بعد حلف اٹھائے گی۔
میڈیا رپورٹس کے مطابق ترجمان بلوچستان حکومت نے کہا کہ کابینہ کی تشکیل کے فارمولے پر اتحادیوں میں اتفاق رائے موجود ہے۔ان کا کہنا تھا کہ کابینہ کی حلف برداری کی تقریب چند روز قبل طے پائی تھی۔
خیال رہے کہ سرفراز احمد بگٹی کے قائد ایوان کے طور پر انتخاب کے بعد ایک ماہ سے زائد وقت گزر نے کے باوجود بلوچستان کی کابینہ ابھی تک تشکیل نہیں ہوئی۔
