اسلام آباد: پاکستان مسلم لیگ (ن) کے رہنما احسن اقبال کی جانب سے فیض آباد دھرنا کمیشن سے متعلق اہم انکشاف سامنے آیا ہے۔
سابق وزیر داخلہ احسن اقبال نے انکشاف کیا کہ تحریک لبیک پاکستان (ٹی ایل پی) کے ساتھ معاہدہ پہلے کیا گیا اور وزیراعظم شاہد خاقان عباسی کو بعد میں دکھایا گیا۔
احسن اقبال نے فیض آباد دھرنا کمیشن کو دیے گئے بیان میں کہا ہے کہ وزیراعظم کو معاہدے پر اعتراض تھا، وزیر اعظم نے وزیر کے استعفے اور اس وقت کے ڈی جی آئی ایس آئی جنرل فیض حمید کے معاہدے میں نام پر اعتراض کیا، مگر انہیں کہا گیا دستخط ہوچکے اب پیچھے نہیں ہٹ سکتے۔
