لاہور: ٹی 20 سیریز میں پاکستان نے ٹاس جیت کر پہلے فیلڈنگ کا فیصلہ کیا، جس کے بعد نیوزی لینڈ کی بیٹنگ جاری ہے۔
دونوں ممالک کے درمیان ٹی ٹوئنٹی سیریز کا چوتھا میچ آج قذافی اسٹیڈیم لاہور میں کھیلا جا رہا ہے، جس میں قومی ٹیم کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا۔
واضح رہے کہ پاکستان اور نیوزیلینڈ کے مابین 5 میچوں پر مشتمل ٹی 20سیریز کے اب تک تین میچز کھیلے جا چکے ہیں جس میں سے ایک میچ بارش کی نذر ہوگیا تھا اور دیگر دو میچز میں دونوں ٹیمیں ایک ایک میچز جیتی ہیں۔
آج چوتھے میچ کے بعد سیریز کا آخری پانچواں ٹی 20 میچ بھی لاہور ہی میں 27 اپریل ہفتے کے روز کھیلا جائے گا۔
