اسلا م آباد: تحریک انصاف نے کہا ہے کہ جعلی مینڈیٹ والی حکومت کے ساتھ ہمارے مذاکرات نہیں ہوسکتے، مذاکرات صرف فوج سے ہوں گے اور جلد ہوں گے۔
شہریار آفریدی نے کہاکہ ہم مذاکرات صرف آرمی چیف اور ڈی جی آئی ایس آئی سے چاہتے ہیں، یہ حکومت خود محتاج ہے، ریموٹ کنٹرول سےچلتے ہیں، فارم 47 کے ذریعے ایوان میں آگئے ہیں، عوام نے انہیں مسترد کردیاہے۔
انہوں نے مزید کہاکہ پارلیمنٹ میں مسترد شدہ لوگ ہیں، یہ ہم سے کیا مذاکرات کریں گے؟ بانی پی ٹی آئی عمران خان کی شروع دن سے مذاکرات کی خواہش تھی مگر دوسری طرف سے جواب نہیں آیا،ہمارے قید میں موجود کارکنوں پر ظلم کیا جارہا ہے۔
