اسلام آباد: وزیر اعظم شہباز شریف نے ملک میں گندم کی درآمد کیے جانے کے حوالے سے نوٹس لیا اور متعلقہ حکام کو تحقیقات کا حکم بھی دے دیا ہے۔
وزیرا عظم شہباز شریف اسلام آباد میں گندم کے ذخائر کی موجودہ صورتحال کے حوالے سے اعلیٰ سطحی جائزہ اجلاس کی صدارت کررہے تھے۔
وزیر اعظم نے حکومت کے پہلے ماہ میں 6 لاکھ 91 ہزار میٹرک ٹن گندم درآمد کا نوٹس لے لیا اور فروری 2024 کے بعد گندم کی درآمد جاری رکھنے پر تحقیقات کا حکم دیا۔
شہباز شریف نے گندم کی درآمد جاری رکھنے اور ایل سیز کھولنے کے ذمہ داروں کے تعین کی ہدایت کرتے ہوئے سیکرٹری کابینہ ڈویژن کی سربراہی میں کمیٹی کو چار روز میں تحقیقات کرنے کا حکم دیا ہے۔
کمیٹی گندم کا وافر اسٹاک موجود ہونے کے باوجود درآمد کے ذمے داران کا تعین کرے گی۔
