اسلام آباد:تحریک انصاف ( پی ٹی آئی ) کے رہنما سابق اسپیکر اسد قیصر نے کہا ہے کہ ملک میں مایوسی کا عالم ہے، پی ٹی آئی اپنی پرامن جدوجہد جاری رکھے گی، ہم کسی طرح بھی تشدد کے حامی نہیں، پی ٹی آئی پر جو الزامات لگے ان کی جوڈیشل انکوائری ہونی چاہتے ہیں، آئین قانون پر عملدرآمد سے موجودہ صورتحال سے نکل سکتے ہیں۔
رہنما پی ٹی آئی نے کہاکہ ہم اپنی آئین قانون کے اندر رہ کر جدوجہد پرامن طور پر جاری رکھیں گے، ہم ملک میں قانون کی حکمرانی اور آئین کی بالادستی چاہتے ہیں، قانون پر عمل درآمد سے ہی ملکی مسائل حل ہوں گے۔
انہوں نے مزید کہاکہ بلوچستان، سندھ، پنجاب کے پی کے ، کشمیر سب شہریوں کے حقوق برابر ہیں، ہر کسی کی اپنی اپنی سیاسی وابستگی ہے لیکن ایک بات سب کی ہے کہ ملک آئین قانون کے مطابق آگے بڑھے گا۔
