کولمبو: ٹی ٹوئنٹی ورلڈ کپ کے لیے سری لنکا نے اپنی ٹیم کا اعلان کردیا۔
خبر رساں اداروں کے مطابق سری لنکن بورڈ نے رواں برس ہونے والے آئی سی سی مینز ٹی ٹوئنٹی ورلڈ کپ کے لیے اسکواڈ کے نام جاری کردیے، جن میں آل راؤنڈر ونیندو ہسرنگا کپتان اور چارتھ اسالنکا نائب کپتان بنائے گئے ہیں۔ اس کے ساتھ ہی سری لنکن ٹیم میں اینجلو میتھیوز کو بھی شامل کیا گیا ہے۔
عالمی ایونٹ کے گروپ ڈی میں سری لنکا کو جنوبی افریقا، بنگلادیش، نیدرلینڈز اور نیپال کے خلاف میچز کھیلنے ہوں گے۔ جب کہ سری لنکا ورلڈ کپ میں اپنا پہلا میچ 3 جون کو نیو یارک میں جنوبی افریقا کے خلاف کھیلے گا۔
