ممبئی: بالی وڈ انڈسٹری میں اداکار ارجن کپور اور ملائیکہ اروڑا کے درمیان بریک اپ کی خبریں گرم ہیں اور اب ملائیکہ نے ایک مبہم سی پوسٹ بھی ڈال دی ہے۔
اداکارہ نے انسٹاگرام اسٹوری پر مداحوں کو گڈ مارننگ کا پیغام دیتے ہوئے ایک قول پوسٹ کیا ہے جس میں لکھا ہے کہ زمین کا سب سے بہترین خزانہ وہ لوگ ہیں جو آپ کو پیار دیتے ہیں اور سپورٹ کرتے ہیں۔
پوسٹ میں مزید لکھا تھا کہ ایسے لوگوں کو نہ تو خریدا جاسکتا ہے اور نہ ہی ان کو دوسروں سے تبدیل کیا جاسکتا ہے اور یہ زندگی میں سب کے پاس چند ہی ہوتے ہیں۔
یاد رہے کہ بالی وڈ انڈسٹری میں یہ خبر گردش میں ہے کہ ارجن کپور اور ملائیکہ اروڑا کے درمیان پانچ برس تعلق کے بعد جدائی ہوگئی ہے۔
