سنگاپور: اسکواش کے میدان سے پاکستان کے لیے ایک اور اچھی خبر آگئی، پاکستانی پلیئر ماہ نور علی نے سنگاپور جونیئر اوپن اسکواش چیمپئن شپ جیت لی۔
رپورٹ کے مطابق قومی پلیئر ماہ نور علی نے سنگاپور جونیئر اوپن چیمپئن شپ میں گولڈ میڈل جیت لیا ہے۔ ایونٹ کے فائنل معرکے میں ماہ نور علی نے سیکنڈ سیڈ چین کی فینگ چن کو شکست دے کر گولڈ میڈل اپنے نام کیا۔
پاکستانی کھلاڑی کی جیت کا اسکور 6-11 ، 7-11 اور 4-11 رہا۔ یاد رہے کہ ماہ نور علی نے اس سے قبل آسٹریلین جونیئر اوپن میں بھی گولڈ میڈل جیتا تھا۔
