نصیرت کیمپ کے ایک اسکول میں اسرائیلی فورسز کی بمباری سے مزید 32 فلسطینی شہید ہو گئے جب کہ متعدد زخمی ہیں۔
غیر ملکی میڈیا کے مطابق اسرائیلی طیاروں کی اقوام متحدہ کے ادارے انروا کے اسکول پر بمباری سے خواتین اور بچوں سمیت 32 فلسطینی شہید ہوئے ہیں۔
صیہونی فورسز کا دعویٰ ہے کہ اس نے اسکول میں موجود حماس کے فائٹرز کو نشانہ بنایا تھا۔
دوسری جانب غزہ سرکاری میڈیا کے ترجمان نے اسرائیلی وضاحت کو مسترد کرتے ہوئے کہا ہے کہ اسرائیلی فوج مظلوم فلسطینیوں پر حملوں کا جواز پیش کرنے کے لیے من گھڑت کہانیاں بنا رہا ہے۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 36 ہزار 600 تک پہنچ گئی ہے۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 83 ہزار سے تجاوز کر گئی ہے۔
