کویت سٹی (انٹرنیشنل ڈیسک) کویتی حکام نے کہا ہے کہ رہائشی عمارت میں اس آتش زدگی کی تحقیقات میں 3افراد کو ہلاکتوں کے الزام میں حراست میں لے لیا گیا ہے۔ ایک کویتی اور 2غیر ملکی باشندوں کو حفاظتی طریقہ کار اور آگ کے ضوابط نظر انداز کرنے کی وجہ سے غفلت کا مرتکب پایا گیا۔ فائر ڈیپارٹمنٹ نے معائنے کے بعد بتایا کہ آگ گراؤنڈ فلور پر گارڈ کے کمرے میں بجلی کی خرابی سے لگی۔ دوسری جانب آتش زدگی کے واقعے میں ہلاک ہونے والے 45 بھارتی شہریوں کی میتیں کیرالا پہنچا دی گئیں۔ بھارتی میڈیا کے مطابق بھارتی شہریوں کی میتیں بھارتی فضائیہ کے خصوصی طیارے میں لائی گئیں۔
