وفاقی وزیر منصوبہ بندی احسن اقبال نے کہا ہے کہ بانی پاکستان تحریک انصاف عمران خان مذاکرات چاہتے ہیں تو اداروں پر حملے بند کریں۔
لاہور میں میڈیا سے گفتگو کرتے ہوئے وفاقی وزیر منصوبہ بندی احسن اقبال کا کہنا تھا کہ عمران خان شکست کھاتے ہیں تو عدالت کا کندھا استعمال کرتے ہیں، پیپلز پارٹی کے ساتھ ہماری کوئی لڑائی نہیں، پیپلز پارٹی اتحادی ہے چھوٹے موٹے ایشوز چلتے رہتے ہیں۔
انہوں نے کہا کہ ملکی عدم استحکام سے خود مختاری داؤ پر لگ سکتی ہے، پاکستان تحریک انصاف کو فیصلہ کرنا ہے انتشار کا حصہ بننا ہے یا ملک کو آگے لے جانا ہے۔
