اسلام آباد:وفاقی حکومت نے عزم استحکام آپریشن پر بحث کے لئے ایوان میں قومی سلامتی کمیٹی کا آن کیمرا اجلاس بلا نے کا اعلان کیا ہے۔
میڈیا رپورٹس کے مطابق وفاقی وزیر قانون سینیٹر اعظم نذیر تارڑ نے قومی اسمبلی کے بجٹ اجلاس سے خطاب کرتے ہوئے کہاکہ عزم استحکام آپریشن سے متعلق وزیردفاع بات کرنا چاہتے تھے لیکن اپوزیشن نے بات نہیں کرنے دی۔
انہوں نے کہا کہ عزم استحکام آپریشن کیسے کیا جائے گا؟ اس پر بحث کریں گے اور ہم یہاں (ایوان) میں قومی سلامتی کمیٹی کو بلائیں گے، وزیراعظم بھی اجلاس میں بیٹھیں گے۔
